МАСЪУЛИЯТИ ПАДАРУ МОДАР ДАР ТАЪЛИМУ ТАРБИЯИ КУДАК

Масъулияти падару модар дар таълиму тарбияи кудак.

Тарбияи фарзанд вазифаи масъулиятноки падару модар ба ҳисоб меравад.Падару модарон дар назди фарзандони худ маъсулият доранд. Нақши падару модар дар тарбия, таълим ва ташаккули фарзанд, ки ояндаи ҷомеаро муътамад ба исбот расидаанд. Қонуни Ҷумҳурии Тоҷикистон « Дар бораи таълиму тарбияи кӯдак» на танҳо бо масъул гардонидани падару модар дар таълиму тарбияи фарзанд қабул гардидааст, балки ба фарзандони болиғу қобили меҳнат вазифаҳои масусро вогузор кардааст. Аз, ҷумла дар он муқаррар шудааст, ки: «Фарзандони болиғу қобили меҳнат вазифадор карда шуданд, ки падару модари худро нигоҳубин намуда, онҳоро аз ҷиҳати моддӣ ва маънавӣ дастгирӣ намоянд.» Дар ҳолати иҷро накардани ӯҳдадориҳо,  фарзанди болиғу қобили меҳнат бо тартиби муқаррарнамудаи қонунгузории Ҷумҳурии Тоҷикистон ба ҷавобгарӣ кашида мешавад.

Падару модарон дар назди фарзандони худ масъулият доранд. Нақши  падару модар дар тарбия, таълим ва ташаккули фарзанд, ки ояндаи ҷомеаро муайн  менамояд, бо далелҳои муътамад ба исбот расидаанд. Мардуми соҳибтамаддуни мо ба  таълиму тарбияи фарзанд аҳамияти махсус зоҳир карда, барои дар руҳияи ватандӯстиву маърифатпарварӣ , ҷавонмардиву ахлоқи ҳамида ва нангу номус ба воя расонидани фарзандони худ пайваста талош меварзанданд. Маҳз таҳкими оила, таълиму тарбияи наслҳои солиму соҳибмаърифат яке аз воситаҳои рушду нумуи ҷомеа, мустаҳкимии қудрати мамлакат ва побарҷойии арзишҳои миллиамон ба шумор меравад. Мутаассифона, имрӯз баъзе падару модарон барои таълиму тарбия фаро гирифтани фарзандони худ монеъ мешавад ва нисбати ҳаёту зиндагии онҳо беҳамиятӣ зоҳир мекунанд.

Дар яке аз баромадҳои худ Асосгузори сулҳу Ваҳдати Миллӣ, Пешвои Миллат, Президенти Ҷумҳурии Тоҷикистон муҳтарам Эмомалӣ Раҳмон қайд намуда буданд: Аҳли ҷомеа ба масъалаи сифати таълиму тарбия диққати ҷиддӣ дода, барои баланд бардоштани маърифатнокию ҷаҳонбинӣ, худшиносии миллӣ, ифтихори ватандорӣ ва масъулияти шаҳрвандии ҷавонон саҳми арзанда гузоранд. Падару модар вазифадоранд, ки тибқи арзишҳои миллӣ ба фарзандони худ номи нек гузоранд, барои саломатӣ, инкишофи ҷисмонӣ, маънавӣ ва ахлоқии онҳо ғамхорӣ намоянд ва фарзандонро дар рӯҳияи эҳтиром ба Ватан, эҳтироми падару модар  ва риояи арзишҳои милливу умумибашарӣ тарбия намуда, барои онҳо шароити хуби таълиму тадрисро фароҳам оваранд. Чунки дар ҳама давру замонҳо илмомӯзию маърифатпарварӣ аз омилҳои тақдирсози миллату давлатҳо ба шумор меравад. «Омӯзгорон, мақомоти давлатӣ, муассиса ва дигар ташкилотҳое, ки масъалаҳои вобаста ба таълиму тарбияи кӯдакро танзим мекунанд, уҳдадоранд, ки оид ба пешгирии ҳуқуқвайронкунии аз тарафи кӯдакон тадбирҳо андешанд.»- ин меъёр аз Қонуни Ҷумҳурии Тоҷикистон « Дар бораи масъулият барои  таълиму тарбияи  кӯдак» бармеояд. Қонуни мазкур баъди  ба тавсиб расиданаш то ҳол натиҷаҳои назарраси пешгирикунандаи ҳуқуқвайронкунии кӯдакону наврасонро нишон додааст. Таълиму тарбияи фарзанд дар ҳамкории зичи се ниҳоди иҷтимоӣ: оила,  мактаб ва ҷомеа сурат мегирад. Қонуни Ҷумҳурии Тоҷикистон « Дар бораи масъулият  барои  таълиму тарбияи кӯдак» барои тарбияи насли хештаншинос, кам шудани ҷинояткорӣ дар байни ноболиғон ва ояндаи дурахшони фарзандон нақши калидӣ гузошта, барои таҳкими худшиносиву донишманд шудани наврасон замина мусоид фароҳам овард. Мақсади Қонуни мазкур пурзӯр намудани масъулияти падару модар дар таълиму тарбияи кӯдак дар рӯҳияи инсондӯстӣ, ифтихори ватандорӣ, эҳтироми арзишҳои миллӣ, умумибашарӣ ва фарҳангӣ, инчунин  ҳифзи ҳуқуқу манфиатҳои фарзанд мебошанд.

         Судяи суди ВМКБ  

Абдуғафорӣ Анварҷон